കോവിഡ്-19 പ്രതിരോധ പ്രവർത്തനരംഗത്ത് കേരള പോലീസ് നടത്തുന്ന സേവനങ്ങളെ അഭിനന്ദിച്ചും മാസ്ക്കുകൾ വിതരണം ചെയ്തും കത്തോലിക്ക കോണ്ഗ്രസ് കേന്ദ്ര സമിതി.തൊടുപുഴ പോലീസ് സ്റ്റേഷനിൽ നടന്ന ചടങ്ങിൽ ഡിവൈഎസ്പി കെ.പി.ജോസിന് കത്തോലിക്ക കോണ്ഗ്രസ് ഗ്ലോബൽ പ്രസിഡന്‍റ് അഡ്വ.ബിജു പറയന്നിലം മാസ്ക്ക് നൽകിപോലീസിന്റെ സേവനങ്ങളെ അഭിനന്ദിച്ചു.പോലീസിന് എല്ലാവിധ സഹായവും സംഘടന വാഗ്ദാനം ചെയ്തു.
കത്തോലിക്ക കോണ്ഗ്രസിന്റെ എല്ലാ രൂപത സമിതികളും സജീവമായി സർക്കാർ നിർദേശങ്ങൾ പാലിച്ച് സാമൂഹ്യ സേവനരംഗത്ത് കർമനിരതമാണെന്നും അദ്ദേഹം പറഞ്ഞു.ലോക്ക് ഡൗണ്‍ വിജയിപ്പിക്കുവാൻ കത്തോലിക്ക കോണ്ഗ്രസ് ആഹ്വനം ചെയ്ത വീട്ടിലിരിക്കാം പച്ചക്കറി നടാം എന്ന കാന്പയിന് പച്ചക്കറിയുടെ സ്വയം പര്യാപ്തതയ്ക്ക് വിപ്ലവകരമായ തുടക്കം കുറിച്ചിട്ടുണ്ട്.
തൊടുപുഴ ടൗണ്‍ പള്ളി വികാരി ഫാ.ജിയോ തടിക്കാട്ട്,കത്തോലിക്ക കോണ്ഗ്രസ് ഹെൽപ് ഡെസ്ക്കിന് നേതൃത്വം നൽകുന്ന ജോണ് മുണ്ടൻകാവിൽ,സി. എസ്.ഡേവിഡ്,ജോണ് തയ്യിൽ,ജോർജ് ആരയകുന്നേൽ,ജോണ് കോലോത്ത്,മാത്യു വെട്ടിക്കുഴിച്ചാലിൽ തുടങ്ങിയവർ നേതൃത്വം നൽകി.
