റോഡരികില് കൈകാണിച്ച യാത്രക്കാരിക്ക് വേണ്ടി നിര്ത്തിയ ബസിന്റെ പിറകില് ലോറിയിടിച്ച് അപകടം. അപകടത്തില് 6 പേര്ക്ക് പരുക്ക് പറ്റി. ഇന്ന് രാവിലെ ഏഴ് മണിയോടെ മലപ്പുറം വളാഞ്ചേരിക്കടുത്ത് കോട്ടപ്പുറത്താണ് അപകടമുണ്ടായത്. വളാഞ്ചേരി ഭാഗത്തേക്ക് വരികയായിരുന്ന എമിറേറ്റ്സ് എന്ന സ്വകാര്യ ബസിന് പിറകില് കോട്ടക്കലിലേക്ക് എം സാന്റ് കയറ്റി വരികയായിരുന്ന ടോറസ് ട്രക്ക് ഇടിക്കുകയായിരുന്നു.ഇടിയുടെ ആഘാതത്തില് നിയന്ത്രണം നഷ്ടപ്പെട്ട സ്വകാര്യ ബസ് സമീപത്തെ ഇലക്ട്രിക് പോസ്റ്റിലിടിച്ചു. ഇതിനിടയില് ബസിന് കൈ കാണിച്ച യാത്രക്കാരി സുരക്ഷിത സ്ഥാനത്തേക്ക് ഓടി മാറിയതിനാല് വന് ദുരന്തം ഒഴിവായിസംഭവ സമയത്ത് ബസില് 25 യാത്രക്കാരുണ്ടായിരുന്നു. ഇവരില് 6 പേര്ക്കാണ് പരുക്കേറ്റത്. ഇവരെ വളാഞ്ചേരിയിലെ സ്വകാര്യ അശുപത്രിയില് പ്രവേശിപ്പിച്ചു. വളാഞ്ചേരി പൊലീസ് സ്ഥലത്തെത്തി മേല്നടപടി സ്വീകരിച്ചു.
സ്വകാര്യ ബസിന് പിറകില്ച്ചു ടോറസ് ട്രക്ക് ഇടിച്ചു
