എവിടെ ദൈവം മഹത്വപ്പെടുന്നുവോ അവിടെ ദൈവാനുഗ്രഹം നിറഞ്ഞു നിൽക്കും.

ഫാ.ജസ്റ്റിൻ കായകുളത്തുശ്ശേരി

പരസ്പരം മഹത്വം സ്വീകരിക്കുകയും ഏക ദൈവത്തിൽ നിന്ന് വരുന്ന മഹത്വം അന്വേഷിക്കാതിരിക്കുകയും ചെയ്യുന്ന നിങ്ങൾക്ക് എങ്ങനെ വിശ്വസിക്കാൻ കഴിയും.(യോഹ 5:41 – 47 )

വിശ്വാസത്തിൽ ആഴപ്പെടാൻ ദൈവത്തെ മഹത്വപ്പെടുത്തൽ അനിവാര്യതയാണെന്ന് ഈശോ പറഞ്ഞു വയ്ക്കുകയാണ്. വിശ്വാസം ജനിക്കുന്നതും വളരുന്നതും ആരാധനയിലാണ്.
എവിടെ ദൈവം മഹത്വപ്പെടുന്നുവോ അവിടെ ദൈവാനുഗ്രഹം നിറഞ്ഞു നിൽക്കും.

ദൈവത്തെ മഹത്വപ്പെടുത്താൻ, ആരാധിക്കാൻ മനുഷ്യൻ മറക്കുമ്പോൾ ദൈവാനുഗ്രഹത്തോടു നോ പറയുന്നവരായി നാം മാറുന്നു. എന്നാൽ ദൈവാരാധനയ്ക്കായ്, ദൈവമഹത്വത്തി തായ് നാം ഒന്നുചേരുമ്പോൾ ദൈവാനുഗഹത്തോടു നാം യേസ് പറയുന്നവരായി മാറുന്നു. എല്ലാ മഹത്വവും ദൈവത്തിന്, എല്ലാ ആരാധനയും ദൈവത്തിന്. ദൈവത്തിന് മഹത്വo കൊടുത്തുകൊണ്ട് നമുക്കും ദൈവാനുഗ്രഹീതരാകാം.