ജമ്മുകാശ്മീരില്‍: കാശ്മീരിലെ കനത്ത ഹിമപാതത്തില്‍ മൂന്ന് സൈനികര്‍ ഉള്‍പ്പെടെ എട്ടുപേര്‍ മരിച്ചു. കുപ്‌വാരയില്‍ മച്ചില്‍ സെക്ടറില്‍ വിന്യസിച്ചിരുന്ന സൈനികരാണ് മരിച്ചത്. മഞ്ഞിടിച്ചിലിനെ തുടര്‍ന്ന് കാണാതായ രണ്ടുസൈനികര്‍ക്കായി തിരച്ചില്‍ തുടരുകയാണ്.സോന്മാര്‍ഗില്‍ ഉണ്ടായ മഞ്ഞിടിച്ചിലിലാണ് അഞ്ച് നാട്ടുകാര്‍ കൊല്ലപ്പെട്ടത്. രാത്രി നടത്തിയ രക്ഷാപ്രവര്‍ത്തനത്തില്‍ നാല് നാട്ടുകാരെ രക്ഷപ്പെടുത്തിയെന്ന് ഉദ്യോഗസ്ഥര്‍ പറഞ്ഞു.
വടക്കന്‍ കാശ്മീരിലെ രാസ്പൂരില്‍ ഒന്നിലധികം തവണ മഞ്ഞിടിച്ചില്‍ ഉണ്ടായതായാണ് റിപ്പോര്‍ട്ടുകള്‍. കഴിഞ്ഞാഴ്ച ബാരാമുള്ളയില്‍ ഹിമപാതത്തില്‍ രണ്ട് സൈനികര്‍ മരിച്ചിരുന്നു
കാശ്മീരില്‍ കനത്ത മഞ്ഞു വീഴ്ച; മൂന്ന് സൈനികര്‍ ഉള്‍പ്പെടെ എട്ടുപേര്‍ മരിച്ചു
