കൊച്ചി: പുതുവല്‍സരാഘോഷത്തിനായി കൊണ്ടുവന്ന മയക്കുമരുന്നുമായി ഡിജെ പാര്‍ട്ടി സംഘാടകരായ രണ്ടു പേര്‍ പിടിയിലായി. ഇതോടെ കൊച്ചിയില്‍ പുതുവല്‍സരാഘോഷം കര്‍ശന നിരീക്ഷണത്തിലാക്കി പോലീസ്. പുതുവല്‍സര ആഘോഷങ്ങള്‍ക്ക് മുന്നോടിയായി എറണാകുളം റൂറല്‍ മേഖലയിലടക്കം സുരക്ഷ കര്‍ശനമാക്കിയതായി ആലുവ റൂറല്‍ എസ്പി അറിയിച്ചു. ആയിരത്തിലധികം പോലീസകാരെ സുരക്ഷയ്ക്കായി വിന്യസിച്ചിട്ടുണ്ട്.കൊച്ചിയില്‍ പുതുവല്‍സര പാര്‍ട്ടികള്‍ക്ക് ലഹരി മരുന്നുമായി എത്തിയപ്പോള്‍ പിടിയിലായ രണ്ടു ഡിജെമാര്‍ക്കും ബംഗളുരൂ സംഘങ്ങളുമായി അടുത്ത ബന്ധമുണ്ടെന്നു കരുതുന്നു. ബംഗളുരുവില്‍ നിന്നെത്തിയ ഇവരില്‍ നിന്ന് എംഡിഎംഎയും ലഹരിമരുന്ന് ഗുളികകളും പിടിച്ചെടുത്തിട്ടുണ്ട്. വൈറ്റിലയ്ക്കടുത്തുള്ള ഹോട്ടലിൽ ഡിജെ പാർട്ടി നടത്താനായിരുന്നു ഇവരെത്തിയത്.
പുതുവല്‍സരാഘോഷത്തിനായി കൊണ്ടുവന്ന മയക്കുമരുന്നുമായി ഡിജെ പാര്‍ട്ടി സംഘാടകരായ രണ്ടു പേര്‍ പിടിയില്‍
