മുംബൈ: ജനുവരി ഒന്ന്​ മുതല്‍ എ.ടി.എമ്മില്‍ നിന്ന്​ പണം പിന്‍വലിക്കാന്‍ പുതിയ സംവിധാനവുമായി എസ്​.ബി.ഐ. തട്ടിപ്പുകള്‍ തടയാന്‍ ഒ.ടി.പി ഉപയോഗിച്ച്‌​ പണം പിന്‍വലിക്കാനാവുന്ന സംവിധാനമാണ്​ എസ്​.ബി.ഐ ഒരുക്കുന്നത്.

പുതിയ മാര്‍ഗം ഇങ്ങനെ

രജിസ്റ്റര്‍ ചെയ്തിട്ടുള്ള മൊബൈല്‍ നമ്ബറില്‍ ഒടിപി ലഭിക്കും.പണം പിന്‍വലിക്കാന്‍ ഈ നമ്ബര്‍ ഉപയോഗിക്കണം. നിലവില്‍ പണംപിന്‍വലിക്കുന്നതിനുള്ള നടപടിക്രമങ്ങളില്‍ കാര്യമായ വ്യത്യാസമില്ല. മറ്റുബാങ്കുകളുടെ എടിഎമ്മുകളില്‍നിന്ന് പണംപിന്‍വലിക്കുമ്ബോള്‍ ഈ സംവിധാനമുണ്ടാകില്ല. പിന്‍വലിക്കാനുള്ള പണം എത്രയെന്ന് നല്‍കിയശേഷം അത് സ്‌ക്രീനില്‍ തെളിയും. അപ്പോള്‍ മൊബൈലില്‍ ഒടിപി ലഭിക്കും. സ്‌ക്രീനില്‍ തെളിയുന്ന ഭാഗത്ത് ഒടിപി നല്‍കിയാല്‍ പണം ലഭിക്കും. 10,000 രൂപയ്ക്ക് മുകളില്‍ പിന്‍വലിക്കുന്നതിനാണ് പുതിയ രീതി. പണം പിന്‍വലിക്കുന്നതിന് ക്ലോണ്‍ ചെയ്ത കാര്‍ഡുകള്‍ ഉപയോഗിക്കുന്നത് ഇതിലൂടെ തടയാനാകും.