ഇരിഞ്ഞാലക്കുട: രാജ്യത്തിന്റെ മതേതര പാരമ്പര്യത്തിനും മഹത്തായ ജനാതിപത്യ മൂല്യങ്ങള്ക്കും വിരുദ്ധമാണ് പൗരത്വ ഭേദഗതി നിയമമെന്ന് കത്തോലിക്ക കോണ്ഗ്രസ് സമ്മേളനം. മതത്തിന്റെയോ, ജാതിയുടെയോ, വര്ഗത്തിന്റെയോ, ഭാഷയുടെയോ അടിസ്ഥാനത്തില് നടത്തുന്ന വിവേചനപരമായ നിയമങ്ങള് ഉണ്ടാക്കുന്ന ധ്രുവീകരണങ്ങള് , രാജ്യത്ത് വിഭാഗീയത വളര്ത്തുവാനും, സാമുദായിക സൗഹാര്ദം തകര്ക്കുവാനും മാത്രമേ ഉപകരിക്കൂ എന്ന് ദേശീയ പ്രതിനിധി സഭ സമ്മേളനത്തില് അവതരിപ്പിച്ച പ്രമേയം പറയു ന്നു. സമ്മേളനം സീറോ മലബാര് സഭാ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരി ഉദ്ഘാടനം ചെയ്തു. പ്രസിഡന്റെ ബിജു പറയന്നിലം പതാക ഉയര്ത്തി.
കാര്ഷിക മേഖലയോടുള്ള കേന്ദ്ര-സംസ്ഥാന സര്ക്കാരുകളുടെ അവഗണനകള്ക്കെതിരേ ശക്തമായ പ്രതിഷേധം രേഖപ്പെടുത്തി. 2020 സംരംഭക വര്ഷം കാര്ഷിക മേഖലയുടെ പ്രതിസന്ധികളെ അതിജീവിക്കുവാന് നിരവധി സംരഭങ്ങള്ഉള്പ്പെടുത്തിക്കൊണ്ട് 2020 സംരംഭക വര്ഷമായി കത്തോലിക്ക കോണ്ഗ്രസ്പ്രഖ്യാപിച്ചു. ജസ്റ്റീസ് കുര്യന് ജോസഫ് സംരംഭക വർഷം ഉത്ഘാടനം ചെയ്തു. കത്തോലിക്ക കോണ്ഗ്രസിലൂടെ സഭയുടെയും സമുദായത്തിന്റയും സമ്പൂര്ണ സംരക്ഷണം ആണ് ലക്ഷ്യം ഇടുന്നതെന്നു ബിഷപ്പ് ലെഗേറ്റ് മാര് റെമിജിയൂസ് ഇഞ്ചനാനിയില് പറഞ്ഞു. സഭയും മാധ്യമ രംഗങ്ങളും എന്ന വിഷയത്തെക്കുറിച്ചു രാഷ്ട്ര ദീപിക മാനേജിംഗ്് ഡയറക്ടര് ഫാ . മാത്യു ചന്ദ്രന്കുന്നേല് , ഷേക്കിന ചാനല് ഡയറക്ടര് ജോസ് വർഗീസ് എന്നിവര് സംസാരിച്ചു. കാര്ഷിക മേഖല നേരിടുന്ന വിവിധ പ്രശ്നങ്ങള് സമയബന്ധിതമായി പരിഹരിക്കപ്പെടണമെന്നു കത്തോലിക്കാ കോണ്ഗ്രസ് ദേശീയ പ്രതിനിധി സമ്മേളനം ആവശ്യപ്പെട്ടു . ഇവയ്ക്കു പരിഹാരം തേടിക്കൊണ്ട് സംസ്ഥാന സര്ക്കാരുമായും ഇടതുമുന്നണിയുമായും കത്തോലിക്കാ കോണ്ഗ്രസ് പ്രതിനിധി സംഘം ചര്ച്ച ചെയ്യാന് തീരുമാനിച്ചു. തുടര് നടപടികള് ശുപാര്ശ ചെയ്യുവാനും ഉന്നതാധികാര രാഷ്ട്രീയ കാര്യ സമിതിയെ ചുമതലപ്പെടുത്തി. ഗ്ലോബല് ട്രഷറര് പി ജെ പാപ്പച്ചന്, ബെന്നി ആന്റണി , ആന്റണി എല് തൊമ്മാന, ഡോ ജോസ്കുട്ടി ഒഴുകയില് , ജോമി മാത്യു, പ്രസിഡന്റ് ബിജു പറയന്നിലം , ഡയറക്ടര് റവ ഫാ ജിയോ കടവി , റവ ഫാ പോളി പടയാട്ടി, ഡോ . വിന്സെന്റ് പാലത്തിങ്കല് , എം. എം ജേക്കബ് , അഡ്വ . ജോസ് വിതയത്തില്, ജേക്കബ് ചാക്കാത്തറ , റിൻസൺ മണവാളന്, തൊമ്മി പിടിയത്തു, ഡോ. ജോസ്കുട്ടി ജെ ഒഴുകയില്, തോമസ് പീടികയില്, ജോര്ജ് കോയിക്കല്, ദേവസ്യ കൊങ്ങോല , രാജീവ് ജോസഫ് , വര്ഗീസ് ആന്റണി , ജോസ്കുട്ടി മാടപ്പിള്ളി, തോമസ് ആന്റണി, സാജു അലക്സ് എന്നിവര് സമ്മേ ളനത്തിൽ പ്രസംഗിച്ചു.