ന്യൂഡല്‍ഹി: എം.ജി സര്‍വ്വകലാശാല മാര്‍ക്ക് ദാനവുമായി ബന്ധപ്പെട്ട് താക്കീതുമായി ഗവര്‍ണര്‍ ആരിഫ് മുഹമ്മദ് ഖാന്‍. വിദ്യാഭ്യാസ മേഖലയിലെ വീഴ്ചകള്‍ക്കാണ് ഗവര്‍ണര്‍ താക്കീത് നല്‍കിയത്.എം.ജി സര്‍വ്വകലാശാല തെറ്റ് തിരിച്ചറിഞ്ഞെന്നും സര്‍വ്വകലാശാലയുടേത് അധികാരപരിധിക്ക് പുറത്തുള്ള നടപടിയായിരുന്നെന്നും അദ്ദേഹം പറഞ്ഞു.
കേരളത്തിന്‍റെ പാരമ്ബര്യത്തില്‍ വെള്ളം ചേര്‍ക്കരുത്.വിദ്യാഭ്യാസ മേഖലയില്‍ കേരളത്തിന് വലിയ പാരമ്ബര്യമാണുള്ളത്. അത് നശിപ്പിക്കുന്ന നടപടികള്‍ ആരില്‍ നിന്നും ഉണ്ടാകരുതെന്നും ഗവര്‍ണര്‍ പറഞ്ഞു.16 ന് വിസിമാരുടെ യോഗം ചേരും. പ്രശ്നങ്ങള്‍ വിസിമാരുമായി ചര്‍ച്ച ചെയ്യുമെന്നും ഗവര്‍ണര്‍ പറഞ്ഞു.