തിരുവനന്തപുരം: നീണ്ട നാളത്തെ കാത്തിരിപ്പിന് വിരാമം. ഇനി മുതല്‍ ഓണ്‍ലൈനായി മുഖ്യമന്ത്രിക്കും അദ്ദേഹത്തിന്റെ ഓഫീസിലേക്കും പരാതികള്‍ അയക്കാം. www.cmo.kerala.gov.in എന്ന വെബ്സൈറ്റ് വഴി ഇനി പരാതികള്‍ ഓണ്‍ലൈനായി നല്‍കാന്‍ സാധിക്കും. പന്ത്രണ്ടായിരത്തോളം സര്‍ക്കാര്‍ ഓഫീസുകളെയാണ് ഈ ഓണ്‍ലൈന്‍ സംവിധാനവുമായി ബന്ധിപ്പിച്ചിരിക്കുന്നത്.
അപേക്ഷ നല്‍കിയാലുടന്‍ പരാതിക്കാരന് അപേക്ഷാ നമ്ബര്‍ സഹിതമുള്ള വിവരങ്ങള്‍ എസ്.എം.എസായി ലഭിക്കും. ഈ നമ്ബര്‍ ഉപയോഗിച്ച്‌ പിന്നീട് അപേക്ഷയുടെ വിവരമന്വേഷിക്കാം. സാധാരണ പരാതികള്‍ 21 ദിവസത്തിനകം തീര്‍പ്പാക്കാനാണു ലക്ഷ്യമിട്ടിട്ടുള്ളത്.നിലവില്‍ 898 ദിവസം വരെയാണ് ഇതിനായെടുക്കുന്നത്. ദുരിതാശ്വാസ സഹായത്തിനായി അപേക്ഷിച്ചാല്‍ 175 ദിവസമാണ് ഫയല്‍ തീര്‍പ്പാക്കാനെടുത്തിരുന്നത്. ഇത് 22 ആയി കുറയ്ക്കാനാകുമെന്നാണു കരുതുന്നത്. പരാതിയെ സംബന്ധിച്ച മറുപടി നല്‍കിയ ശേഷമേ ഫയല്‍ അവസാനിപ്പിക്കൂ. കൂടുതല്‍ വിവരങ്ങള്‍ക്ക് ഫോണ്‍: 0471-2517297, ടോള്‍ ഫ്രീ നമ്ബര്‍: 0471 155300
കാത്തിരിപ്പിന് വിരാമം; മുഖ്യമന്ത്രിക്ക് ഇനി പരാതി ഓണ്‍ലൈന്‍ ആയി നല്‍കാം
