ഗാ​ന്ധി​ജി​യു​ടെ ആ​ശ​യ​ങ്ങ​ളാ​ണ് ഐ​ക്യ​രാ​ഷ്‌​ട്ര സ​ഭ പോ​ലു​ള്ള സം​ഘ​ട​ന​ക​ൾ​ക്കു പ്ര​ചോ​ദ​ന​മെ​ന്നു സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​ട്ടെ​ര​സ്

യു​ണൈ​റ്റ​ഡ് നേ​ഷ​ൻ​സ്: മ​ഹാ​ത്മാ​ഗാ​ന്ധി​യു​ടെ 150-ാം ജ​ന്മ​ദി​ന​വാ​ർ​ഷി​ക​ത്തി​ൽ ലോ​ക​ത്തി​ന്‍റെ പ​ല​ ഭാ​ഗ​ങ്ങ​ളി​ൽ അ​നു​സ്മ​ര​ണ പ​രി​പാ​ടി​ക​ൾ അ​ര​ങ്ങേ​റി. സ​മാ​ധാ​ന​ത്തി​ന്‍റെ ആ​ഗോ​ള​ദൂ​ത​നാ​യ ഗാ​ന്ധി​ജി​യു​ടെ ആ​ശ​യ​ങ്ങ​ളാ​ണ് ഐ​ക്യ​രാ​ഷ്‌​ട്ര സ​ഭ പോ​ലു​ള്ള സം​ഘ​ട​ന​ക​ൾ​ക്കു പ്ര​ചോ​ദ​ന​മെ​ന്നു സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​ട്ടെ​ര​സ് ചൂ​ണ്ടി​ക്കാ​ട്ടി.ഗാ​ന്ധി​ദ​ർ​ശ​ന​ങ്ങ​ൾ ലോ​ക​ത്തു​ട​നീ​ളം മു​ഴ​ങ്ങു​ന്നു. പ​ര​സ്പ​ര​ധാ​ര​ണ, തു​ല്യ​ത, വി​ക​സ​നം, യു​വ​ജ​ന​ത​യു​ടെ ശ​ക്തീ​ക​ര​ണം തു​ട​ങ്ങി​യ​വ അ​ടി​സ്ഥാ​ന​മാ​ക്കി യു​എ​ൻ ന​ട​ത്തു​ന്ന പ്ര​വ​ർ​ത്ത​ന​ങ്ങ​ൾ​ക്കു ഗാ​ന്ധി​ദ​ർ​ശ​ന​ങ്ങ​ൾ പ്ര​ചോ​ദ​നം ന​ല്കു​ന്നു.അ​ക്ര​മം പ​ല​വി​ധ രൂ​പ​ഭാ​വ​ങ്ങ​ൾ കൈ​ക്കൊ​ള്ളു​ന്ന സ​മ​യ​മാ​ണി​ത്. സാ​യു​ധ​സം​ഘ​ർ​ഷ​ങ്ങ​ൾ, കാ​ലാ​വ​സ്ഥാ വ്യ​തി​യാ​നം, മ​നു​ഷ്യാ​വാ​കാ​ശ ലം​ഘ​ന​ങ്ങ​ൾ തു​ട​ങ്ങി​യ​വ ലോ​കം നേ​രി​ടു​ന്നു. ന്യൂ​ന​പ​ക്ഷ​ങ്ങ​ൾ പീ​ഡി​പ്പി​ക്ക​പ്പെ​ടു​ന്നു. ഭി​ന്ന​ത​ക​ൾ അ​വ​സാ​നി​പ്പി​ച്ച് ന​ല്ലൊ​രു ലോ​കം പ​ടു​ത്തു​യ​ർ​ത്താ​ൻ എ​ല്ലാ​വ​രും ശ്ര​മി​ക്ക​ണ​മെ​ന്ന് ഗാ​ന്ധി​ജ​യ​ന്തി ദി​ന​ത്തി​ൽ അ​ഭ്യ​ർ​ഥി​ക്കു​ന്ന​താ​യി യു​എ​ൻ സെ​ക്ര​ട്ട​റി ജ​ന​റ​ൽ സ​ന്ദേ​ശ​ത്തി​ൽ പ​റ​ഞ്ഞു. 2007 മു​ത​ൽ യു​എ​ൻ ഗാ​ന്ധി​ജ​യ​ന്തി അ​ഹിം​സാ ദി​ന​മാ​യി ആ​ഘോ​ഷി​ക്കു​ന്നു.ല​ങ്ക​യി​ൽ സ്റ്റാ​ന്പും പ്ര​തി​മ​യുംകൊ​ളം​ബോ: ഗാ​ന്ധി​ജി​യു​ടെ സ്മ​ര​ണ​യ്ക്കാ​യി ശ്രീ​ല​ങ്കൻ സർ ക്കാർ ര​ണ്ടു സ്റ്റാ​ന്പു​ക​ൾ പു​റ​ത്തി​റ​ക്കി. പ്ര​ധാ​ന​മ​ന്ത്രി​യു​ടെ ഔ​ദ്യോ​ഗി​ക വ​സ​തി​യാ​യ ‘ടെം​പി​ൾ ട്രീ​സി’​ൽ ഗാ​ന്ധി​ജി​യു​ടെ വെ​ങ്ക​ല​പ്ര​തി​മ സ്ഥാ​പി​ച്ചു. പ്ര​ധാ​ന​മ​ന്ത്രി റ​നി​ൽ വി​ക്ര​മ​സിം​ഗെ​യും ഇ​ന്ത്യ​ൻ ഹൈ​ക്ക​മ്മീ​ഷ​ണ​ർ ത​ര​ൺ​ജീ​ത് സിം​ഗ് സ​ന്ധു​വും ചേ​ർ​ന്ന് അ​നാ​വ​ര​ണം ചെ​യ്തു. പ​ദ്മ​ഭൂ​ഷ​ൺ ജേ​താ​വാ​യ ശി​ല്പി രാം ​വാ​ൻ​ജി സു​താ​ർ ആ​ണ് പ്ര​തി​മ നി​ർ​മി​ച്ച​ത്. പ്ര​സി​ഡ​ൻ​ഷ്യ​ൽ സെ​ക്ര​ട്ടേ​റി​യ​റ്റി​ൽ ന​ട​ന്ന അ​നു​സ്മ​ര​ണ പ​രി​പാ​ടി​യി​ൽ പ്ര​സി​ഡ​ന്‍റ് സി​രി​സേ​ന അ​ട​ക്ക​മു​ള്ള​വ​ർ പ​ങ്കെ​ടു​ത്തു.