മാനന്തവാടി: വർഗ്ഗീയത പരത്തി മത തീവ്രവാദം സൃഷ്ടിക്കുന്ന ലവ് ജിഹാദ് പ്രവർത്തനങ്ങൾക്കെതിരെ ശക്തമായ പ്രതിഷേ മുന്നറിയിപ്പുമായി കെ.സിവൈഎം മാനന്തവാടി രൂപത വാ മൂടിക്കെട്ടി മൗനജാഥയും പൊതുസമ്മേളനവും നടത്തി. ഇന്നത്തെ സമൂഹം അനുഭവിച്ചുകൊണ്ടിരിക്കുന്നതും, വരും നാളുകളിൽ കൂടുതലായി അനുഭവിക്കാൻ പോകുന്നതുമായ ലവ് ജിഹാദെന്ന ഭീകരപ്രവർത്തനത്തിനെതിരെ യുവജനങ്ങൾ കാവൽ ഭടന്മാരാകണമെന്ന് മാനന്തവാടി ഗാന്ധി പാർക്കിൽ മുഖ്യ പ്രഭാഷണം നടത്തി സംസാരിച്ച കെസിവൈഎം മാനന്തവാടി രൂപത മുൻപ്രസിഡൻറ് അനീഷ് ഓമക്കര അഭിപ്രായപ്പെട്ടു. എല്ലാ വിശ്വാസ സമ്പ്രദായങ്ങളെയും മാനിച്ച് മതസൗഹാർദ്ദത്തോടെ ജീവിക്കുന്ന നമ്മുടെ സംസ്കാരത്തെ പടുത്തുയർത്തുവാൻ പ്രതിജ്ഞാബദ്ധമായ സമൂഹം നിലനിർത്തപ്പെടേണ്ടതാണെന്നും അദ്ദേഹം കൂട്ടിച്ചേർത്തു. മത സ്പർദ്ധയും പീഡനവും അവസാനിപ്പിക്കപ്പെടണമെന്ന് ഇതര മതസമൂഹങ്ങളോടും പ്രസ്ഥാനങ്ങളോടും പ്രതിഷേധ കൂട്ടായ്മയിലൂടെ കെ.സി.വൈ.എം ആവശ്യപ്പെട്ടു. ഇത്തരത്തിലുള്ള സാമൂഹിക വിപത്തിനെതിരെ മൗനം അവലംബിക്കുന്ന മാധ്യമങ്ങളും ഉത്തരവാദിത്വപ്പെട്ട മേലധികാരികളും ഉണരണമെന്നും കെസിവൈഎം ആവശ്യപ്പെട്ടു.
രൂപത പ്രസിഡന്റ് എബിൻ മുട്ടപ്പള്ളി അധ്യക്ഷത വഹിച്ചു. മുൻ രൂപത പ്രസിഡന്റ് മാത്യു തറയിൽ, രൂപത സിൻഡിക്കേറ്റംഗം കുമാരി ടെസ്സിൻ വയലിൽ, ജനറൽ സെക്രട്ടറി ജിഷിൻ മുണ്ടയ്ക്കാതടത്തിൽ എന്നിവർ സംസാരിച്ചു. രൂപത ഡയറക്ടർ ഫാ. അഗസ്റ്റിൽ ചിറക്കത്തോട്ടം, സെക്രട്ടറി റ്റോബി കൂട്ടുങ്കൽ ,ആനിമേറ്റർ സി. സാലി CMC, സി.ഡാനി SH, മേഖല ഡയറക്ടർമാർ, സിൻഡിക്കേറ്റ് അംഗങ്ങൾ മേഖലാ ഭാരവാഹികൾ എന്നിവർ നേതൃത്വം നൽകി. രൂപതയിലെ വിവിധ ഇടവകകളിൽ നിന്നുള്ള യുവജനങ്ങൾ, വൈദീകർ, അനിമേറ്റർ സിസ്റ്റേഴ്സ് എന്നിവർ പങ്കെടുത്തു.
