വാർത്തകൾ
🗞🏵 *പ്രളയദുരിതാശ്വാസ ക്യാമ്പുകളില്‍ നിലവില്‍ താമസിക്കുന്നവര്‍ക്ക് ഓണക്കോടി.* മന്ത്രിസഭാ യോഗത്തിന്‍റേതാണ് തീരുമാനം. ഓണക്കോടിക്കുള്ള തുക മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് അനുവദിക്കും.
🗞🏵 *സംസ്ഥാനത്ത് ചില ജില്ലകളിൽ കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ്.* ഇതേത്തുടർന്നു വിവിധ ജില്ലകളില്‍ കേന്ദ്ര കാലാവസ്ഥ നിരീക്ഷണ കേന്ദ്രം യെല്ലോ അലര്‍ട്ട് പ്രഖ്യാപിച്ചു. ഒറ്റതിരിഞ്ഞു ശക്തമായ മഴയ്ക്ക് സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം.
🗞🏵 *യുണൈറ്റഡ് നഴ്സസ് അസോസിയേഷൻ (യുഎൻഎ) സാമ്പത്തിക തട്ടിപ്പ് കേസിൽ സംഘടനയുടെ ദേശീയ പ്രസിഡന്‍റ് ജാസ്മിൻ ഷായുടെ ഭാര്യ ഷബ്നയേയും പ്രതിചേർത്തു.* കേസിലെ എട്ടാം പ്രതിയാക്കിയാണ് ഉൾപ്പെടുത്തിയത്. തട്ടിപ്പിൽ പങ്കുണ്ടെന്ന് കണ്ടെത്തിയതിനെ തുടർന്നാണ് ക്രൈംബ്രാഞ്ചിന്‍റെ നടപടി.
🗞🏵 *എയർസെൽ-മാക്സിസ് കേസിൽ മുൻ ധനമന്ത്രി പി.ചിദംബരത്തിനും മകൻ കാർത്തി ചിദംബരത്തിനും ജാമ്യം.* സിബിഐയും എൻഫോഴ്‌സ്‌മെന്‍റും രജിസ്റ്റർ ചെയ്ത കേസുകളിലാണ് ഡൽഹി റോസ് അവന്യൂ കോടതിയാണ് ഇരുവർക്കും ജാമ്യം അനുവദിച്ചത്. ഒരു ലക്ഷം രൂപ വീതം കെട്ടിവയ്ക്കാനും ഡൽഹി സിബിഐ പ്രത്യേക കോടതി ജഡ്ജി ഒ.പി. സൈനി ആവശ്യപ്പെട്ടു. എന്നാൽ ഐഎൻ എക്സ് മീഡിയ കേസിൽ ജുഡീഷ്യൽ കസ്റ്റഡി .
🗞🏵 *കേരള കോണ്‍ഗ്രസ്-എമ്മിൽ ചിഹ്നത്തെ ചൊല്ലിയുള്ള തർക്കം മുറുകുന്നു.* പാലാ ഉപതെരഞ്ഞെടുപ്പിൽ യുഡിഎഫ് സ്ഥാനാർഥിയായി മത്സരിക്കുന്ന ജോസ് ടോമിന് രണ്ടില ചിഹ്നം നൽകാമെന്ന് യുഡിഎഫിൽ ധാരണയുണ്ടായിരുന്നില്ലെന്ന് പി.ജെ. ജോസഫ് പറഞ്ഞു. ചിഹ്നം നൽകില്ലെന്ന ഉപാധിയോടെയാണ് സ്ഥാനാർഥിയെ അംഗീകരിച്ചതെന്നും അദ്ദേഹം മാധ്യമങ്ങളോട് പറഞ്ഞു.
🗞🏵 *മഹാരാഷ്ട്രയിലെ മുംബൈയിൽ വീണ്ടും മഴ കനത്തതോടെ നഗരം വെള്ളത്തിലായി.* കഴിഞ്ഞ ദിവസങ്ങളിൽ പെയ്ത മഴയിൽ മുംബൈ വിമാനത്താവളത്തിന്‍റെ പ്രവർത്തനം താളം തെറ്റി. 30 വിമാനങ്ങളാണ് ഇന്ന് റദ്ദാക്കിയത്. 118 വിമാനങ്ങൾ വൈകിയാണ് സർവീസ് നടത്തുന്നത്.
🗞🏵 *എസ്എഫ്ഐ നേതാവിനു വേണ്ടി സിപിഎം ഏരിയാ സെക്രട്ടറി സക്കീർ ഹുസൈൻ കളമശേരി എസ്ഐ അമൃത് രംഗനെ ഫോണ്‍ വിളിച്ച് വെട്ടിലായ സംഭവത്തില്‍ എസ്ഐയെ സ്ഥലം മാറ്റാന്‍ ശ്രമം.* ഭീഷണിക്കു വഴങ്ങില്ലെന്ന എസ്ഐ യുടെ മറുപടി പുറത്തുവന്നത് പാര്‍ട്ടിക്കു നാണക്കേടായെന്ന വിലയിരുത്തലിലാണ് പാര്‍ട്ടി നേതൃത്വം.
🗞🏵 *മെഹബൂബ മുഫ്തിയെ കാണാൻ മകൾക്ക് സുപ്രീംകോടതിയുടെ അനുമതി*
🗞🏵 *കൊച്ചിയിലെ റോഡുകളുടെ ശോചനീയാവസ്ഥയിൽ ഹൈക്കോടതി സ്വമേധയാ കേസെടുത്തു.* ചീഫ് ജസ്റ്റീസാണ് സ്വമേധയാ കേസെടുത്തത്. സർക്കാരിനും കൊച്ചി കോർപറേഷനും ഇതുസംബന്ധിച്ച് കോടതി നോട്ടീസ് അയച്ചു.
🗞🏵 *യുവവ്യവസായി പോൾ എം. ജോർജ് കൊല്ലപ്പെട്ട കേസിലെ എട്ട് പ്രതികളെ വെറുതെവിട്ടു.* എട്ട് പ്രതികളുടെ ജീവപര്യന്തം തടവ് ശിക്ഷയാണ് ഹൈക്കോടതി റദ്ദാക്കിയത്.
🗞🏵 *കോളജ് ഓണാഘോഷത്തിന്‍റെ ഭാഗമായി ഗതാഗതം തടസപ്പെടുത്തി നടത്തിയ ഘോഷയാത്രയ്ക്കിടെ ജീപ്പ് തട്ടി വഴിയാത്രക്കാരായ അമ്മയ്ക്കും മകനും പരിക്ക്.* തിരുവനന്തപുരം പെരിങ്ങമ്മല ഇക്ബാൽ കോളജിലെ വിദ്യാർഥികൾ ചൊവ്വാഴ്ച നടത്തിയ ഓണാഘോഷ പരിപാടിയിലാണ് സംഭവം. നൂറോളം വാഹനങ്ങളിൽ ഘോഷയാത്ര നടത്തുന്നതിനിടെയാണ് അപകടമുണ്ടായത്.
🗞🏵 *ഇന്ത്യയില്‍ കൂടുതല്‍ ആണവ റിയാക്ടറുകൾ സ്ഥാപിക്കുമെന്ന് റഷ്യൻ പ്രസിഡന്‍റ് വ്ലാഡിമർ പുടിൻ.* അടുത്ത 20 വര്‍ഷത്തിനകം ഇന്ത്യയില്‍ 20 ആണവ റിയാക്ടറുകൾ സ്ഥാപിക്കാനാണ് പദ്ധതിയിടുന്നതെന്നും പ്രധാനമന്ത്രി നരേന്ദ്ര മോദിയുടെ റഷ്യൻ സന്ദർശനത്തിന്‍റെ ഭാഗമായി നടത്തിയ കൂടിക്കാഴ്ചയ്ക്കുശേഷം പുടിൻ വ്യക്തമാക്കി.
🗞🏵 *കണ്ണൂരിൽ സന്യസ്തരുടെ പ്രതിഷേധ കൂട്ടായ്മ; നടക്കുന്നതു ബോധപൂർവമായ അവഹേളനം: സന്യസ്തർ*
🗞🏵 *രാജ്യവും ഒപ്പം ലോകവും ഇന്ത്യയിലേക്ക് കണ്ണെറിഞ്ഞിരിക്കുന്ന ദിവസമാണ് സെപ്റ്റംബർ 7.* ചന്ദ്രയാൻ–2 പേടകം ചന്ദ്രനിൽ ഇറങ്ങുന്ന ഇൗ ചരിത്രനിമിഷത്തിന് സാക്ഷ്യംവഹിക്കാൻ പ്രധാനമന്ത്രി നരേന്ദ്ര മോദിയും നാസ ഗവേഷകരും എത്തും. ഇതിനൊപ്പം വിദ്യാർഥികളും പ്രത്യേകം ക്ഷണിക്കപ്പെട്ട ഗവേഷകരും പ്രമുഖരും ഇൗ നിമിഷത്തിന് സാക്ഷ്യം വഹിക്കും.
🗞🏵 *രണ്ടാമതോ മൂന്നാമതോ ആകാനല്ല വിജയിക്കാൻ തന്നെയാണ് മത്സരിക്കുന്നതെന്ന് പാലായിലെ ബിജെപി സ്ഥാനാർഥി എൻ.ഹരി.*
🗞🏵 *കടുത്ത സാമ്പത്തിക നഷ്ടത്തിലോടുന്ന ആന്ധ്രാപ്രദേശ് റോഡ് ട്രാൻസ്പോർട്ട് കോർപ്പറേഷനെ സർക്കാർ സ്ഥാപനമാക്കി ലയിപ്പിക്കാൻ മന്ത്രിസഭ തീരുമാനിച്ചു.*
🗞🏵 *ഒക്ടോബര്‍ 1 മുതല്‍ നല്‍കുന്ന ചെറുകിട വായ്പകള്‍ അടിസ്ഥാന പലിശ നിരക്കുമായി ബന്ധിപ്പിക്കണമെന്ന് ആര്‍ബിഐ.* ഇതോടെ ഭവന, വാഹന വായ്പ, മറ്റ് ചെറുകിട വായ്പകള്‍ എന്നിവയ്ക്കുളള പലിശ നിരക്ക് കുറയുന്നതിന് വഴിയൊരുങ്ങി.
🗞🏵 *പാലായില്‍ കേരള കോണ്‍ഗ്രസ്–എം നിര്‍ത്തിയ ജോസ് ടോം സ്വതന്ത്രനായി മല്‍സരിക്കും.* പാര്‍ട്ടി സ്ഥാനാര്‍ഥിയായി നല്‍കിയ പത്രിക തിരഞ്ഞെടുപ്പ് കമ്മിഷന്‍ തള്ളി. പത്രികയിലെ പിഴവുകള്‍ ഉയര്‍ത്തിക്കാട്ടി പി.ജെ.ജോസഫ് പക്ഷം നടത്തിയ നീക്കം അംഗീകരിച്ചാണ് കമ്മിഷന്റെ നടപടി.
🗞🏵 *ഇസ്ലാം മതം ഉപേക്ഷിച്ച് ക്രൈസ്തവ വിശ്വാസം സ്വീകരിച്ച ഇറാനിയന്‍ വനിത ഐഡീന്‍ സ്ട്രാന്‍ഡ്സന് അഭയാര്‍ത്ഥി പദവിയും താമസാനുമതിയും നല്‍കുവാന്‍ സ്വീഡനിലെ മൈഗ്രേഷന്‍ ഏജന്‍സിയുടെ തീരുമാനം.*
🗞🏵 *കൊളംബിയയിലെ മനിസാലെസ് അതിരൂപതയുടെ എമരിറ്റസ് ആര്‍ച്ച് ബിഷപ്പ് കര്‍ദ്ദിനാള്‍ ഹൊസെ ദെ ജീസസ് പിമെന്റോ റോഡ്രിഗസ് അന്തരിച്ചു.* നൂറാം വയസിലായിരിന്നു അദ്ദേഹത്തിന്റെ മരണം..
🗞🏵 *നൈജീരിയയിലെ ജലിന്‍ഗോയില്‍ അതിദാരുണമായി കൊല്ലപ്പെട്ട ഫാ. ഡേവിഡ് റ്റാൻഗോയുടെ മൃതസംസ്കാരം നൂറുകണക്കിന് വിശ്വാസികളുടെ സാന്നിധ്യത്തില്‍ നടന്നു.*
🗞🏵 *പാലാ ഉപതെരഞ്ഞെടുപ്പ് പ്രചാരണത്തിന്‍റെ ഭാഗമായുള്ള യുഡിഎഫ് കണ്‍വൻഷൻ വേദിയിൽ പി.ജെ. ജോസഫ് എത്തി.* ജോസ് കെ.മാണിയും വേദിയിലിരുത്തി ജോസഫ് പ്രസംഗവും നടത്തി. ജോസഫിനെ കൂക്കി വിളിച്ചാണു പ്രവർത്തകർ വരവേറ്റത്. ഇതു കണക്കിലെടുക്കാതെ പ്രസംഗം തുടർന്ന ജോസഫ് ജോസ് കെ. മാണിയുമായുള്ള അഭിപ്രായ ഭിന്നത ഉടൻ പരിഹരിക്കാൻ സാധിക്കുമെന്നാണു വിശ്വസിക്കുന്നതെന്നും പറഞ്ഞു.
🗞🏵 *ഐഎൻഎക്സ് മീഡിയാ കേസിൽ മുൻ കേന്ദ്രമന്ത്രിയും കോണ്‍ഗ്രസ് നേതാവുമായ പി. ചിദംബരത്തെ ജുഡീഷൽ കസ്റ്റഡിയിൽ വിട്ടു.* സെപ്റ്റംബർ 19 വരെയാണ് ജുഡീഷൽ കസ്റ്റഡിയിൽ വിട്ടത്. പ്രത്യേക സിബിഐ കോടതിയാണു ചിദംബരത്തെ കസ്റ്റഡിയിൽ വിട്ടത്. ഇയാളെ തീഹാർ ജയിലിലേക്ക് കൊണ്ടുപോയി .
🗞🏵 *പാലാരിവട്ടം പാലം അഴിമതി; ടി.ഒ. സൂരജ് റിമാൻഡിൽ*
🗞🏵 *ഗതാഗത നിയമലംഘനങ്ങള്‍ക്കു കനത്ത പിഴ ഈടാക്കുന്ന പുതിയ മോട്ടോര്‍ വാഹന നിയമഭേദഗതി നിയമവുമായി ബന്ധപ്പെട്ട് നിര്‍ദേശങ്ങളും ശിപാര്‍ശകളും സമര്‍പ്പിക്കുന്നതിനു ട്രാന്സ്പോര്ട്ട് കമ്മീഷണേറ്റിന് സര്‍ക്കാര്‍ നിര്‍ദേശം നല്‍കി.*
🗞🏵 *ലോകത്തിലെ ഏറ്റവും അപകടകാരിയായ രാജ്യമാണ് പാകിസ്ഥാന്; ഭാവിയെക്കുറിച്ച്‌ പ്രായോഗിക കാഴ്ചപ്പാടുള്ള നേതാക്കളില്ലാത്തതാണ് പാകിസ്ഥാനിലെ ജനങ്ങളുടെ ഏറ്റവും വലിയ ശാപം :അമേരിക്ക*
🗞🏵 *ഇന്ത്യൻ വ്യോമസേനയ്ക്ക് കരുത്ത് കൂട്ടാൻ 5000 കോടി രൂപ അനുവദിച്ച് മോഡി സർക്കാർ.*
🗞🏵 *ആരാധനാലയങ്ങൾ ആക്രമിക്കാൻ ഐ എസ് ഐ, ജമ്മു കാശ്മീരിൽ കലാപത്തിന് ആഹ്വനം; എന്തിനും തയ്യാറായി ഇന്ത്യ.*
🗞🏵 *പാകിസ്ഥാന് വീണ്ടും തിരിച്ചടി* സോഷ്യല്‍മീഡിയ അക്കൗണ്ടുകള്‍ക്ക് പൂട്ടു വീണു. ഇന്ത്യയ്‌ക്കെതിരെ ഇനി ആരും വ്യാജപ്രചരണം നടത്തരുതെന്ന് ഫേസ്ബുക്ക്, ട്വിറ്റര്‍, ഗൂഗിള്‍ മേധാവികള്‍.
🗞🏵 *സംസ്ഥാന കോണ്‍ഗ്രസ് നേതാക്കള്‍ വിലക്കിയിട്ടും ശശി തരൂര്‍ എം.പിയുടെ ബിജെപിയോടും മോദിയോടുമുള്ള അനുമോദനങ്ങള്‍. തുടരുന്നു* തരൂരിന്റെ പ്രസ്താവനയില്‍ രൂക്ഷമായ എതിര്‍പ്പുമായി കെ.മുരളീധരൻ.
🗞🏵 *ഇന്ത്യയുടെ ചാന്ദ്രപര്യവേക്ഷണ ദൗത്യമായ ചന്ദ്രയാൻ-2 വിജയത്തോടടുക്കുന്നു.* ഓർബിറ്ററിൽനിന്നു കഴിഞ്ഞ ദിവസം വേർപെട്ട് സ്വതന്ത്രസഞ്ചാരമാരംഭിച്ച ലാൻഡറി(ചന്ദ്രോപരിതലത്തിലിറങ്ങുന്ന പേടകഭാഗം)ന്‍റെ രണ്ടാമത്തെ ദിശാക്രമീകരണവും വിജയകരമായി പൂർത്തിയാക്കി.
🗞🏵 *ഉത്പാദനച്ചെലവിലെ വർധനയും വരുമാനത്തിലെ ഇടിവും പ്രളയം വരുത്തിവച്ച പ്രശ്നങ്ങളും ക്ഷീരകർഷകരെ വലയ്ക്കുകയാണ്.* അവർക്കു കൈത്താങ്ങാകേണ്ട സർക്കാരാകട്ടെ കൈയുംകെട്ടിയിരിക്കുന്നു. കാലിത്തീറ്റയുടെ വിലവർധന കർഷകർക്കു കൂനിന്മേൽ കുരുവായി.
🗞🏵 *ഹിന്ദു ക്ഷേത്രങ്ങളില്‍ നിന്നു ലഭിക്കുന്ന വരുമാനം മറ്റു കാര്യങ്ങള്‍ക്ക് ഉപയോഗിക്കുന്നതിനെതിരെ കോണ്‍ഗ്രസ് നേതാവായ ശശി തരൂര്‍ എംപി രംഗത്ത്.* ഇത്തരത്തിലുള്ള വിനിയോഗം പുനപരിശോധനയ്ക്ക് വിധേയമാക്കണമെന്ന് അദ്ദേഹം
🗞🏵 *പുതിയ ട്രാന്സ്പോര്ട്ട് കമ്മീഷണറായി ഡി.ജി.പി ആര്‍.ശ്രീലേഖയെ മന്ത്രിസഭാ യോഗം നിയമിച്ചു.* നിലവിൽ സോഷ്യല്‍ പോലീസിംഗ് ആന്‍റ് ട്രാഫിക്കിന്‍റെ എ.ഡി.ജി.പിയാണ് ആർ.ശ്രീലേഖ
🗞🏵 *മോഹനൻ വൈദ്യരുടെ കായംകുളത്തെ ആശുപത്രി കൃഷ്ണപുരം ഗ്രാമപഞ്ചായത്ത് അടച്ചു പൂട്ടി.* അശാസ്ത്രിയമായ ചികിത്സാ രീതികൾ ആശുപത്രിയിൽ നടക്കുന്നു എന്ന ജില്ലാ മെഡിക്കൽ ഓഫീസറുടെ റിപ്പോർട്ടിന്റെ തുടർന്നാണ് നടപടി
🗞🏵 *സോഷ്യൽ മീഡിയയിലൂടെയുള്ള പ്രണയവും ഒളിച്ചോട്ടവും തട്ടിപ്പും തുടർക്കഥയാകുന്നതായി റിപ്പോർട്ട്.* അമ്പതിലധികം സ്ത്രീകളെ ഭീഷണിപ്പെടുത്തുകയും ചൂഷണം ചെയ്യുകയും ചെയ്ത യുവാവിനെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു
🗞🏵 *സിസ്റ്റർ അഭയ കേസിൽ ഇൻക്വസ്റ്റ് റിപ്പോർട്ടിലെ ഒപ്പ് വ്യാജമാണെന്ന് മുപ്പതാം സാക്ഷി.* ഇൻക്വസ്റ്റ് റിപ്പോർട്ടിൽ പൊലീസ് സാക്ഷിയുടേതായി കാണിച്ച ഒപ്പ് തന്റെതല്ലെന്നും വ്യാജമാണെന്നും കേസിലെ മുപ്പതാം സാക്ഷി ജോൺ സ്‌കറിയ കോടതിയിൽ മൊഴി നൽകി.
🗞🏵 *ആച്ചി ബ്രാൻഡിന്റെ മുളക്പൊടി നിരോധിച്ചു. മുളകുപൊടിയുടെ സാമ്പിളില്‍ കീടനാശിനികളായ ഇത്തിയോണ്‍, പ്രൊഫെനോഫോസ് എന്നിവയുടെ അളവ് അനുവദിക്കുന്നതിലും കൂടുതല്‍ കണ്ടെത്തിയതിനെ തുടര്‍ന്നാണു നിരോധനം* .തൃശൂര്‍ അസി. ഭക്ഷ്യസുരക്ഷാവകുപ്പ് കമ്മീഷണര്‍ ഇതു സംബന്ധിച്ച്‌ ഉത്തരവിറക്കി.
🗞🏵 *ജയ്ശെ മുഹമ്മദ് നേതാവ് മസ് ഉദ് അസ്ഹർ അടക്കം നാലു പേരെ ഭീകരരായി പ്രഖ്യാപിച്ച ഇന്ത്യൻ നടപടിക്ക് പിന്തുണയുമായി ഡൊണാൾഡ് ട്രംപ്.* ഇന്ത്യൻ ഭരണകൂടത്തിന്‍റെ തീരുമാനത്തെ പിന്തുണക്കുന്നു. തീവ്രവാദത്തിനെതിരായ യോജിച്ച പോരാട്ടത്തിന് പുതിയ നിയമം ഗുണം ചെയ്യുമെന്നും അദ്ദേഹം വ്യക്തമാക്കി
🌸🌸🌿🌸🌸🌿🌸🌸🌿🌸🌸
*ഇന്നത്തെ വചനം*
ലോകം നിങ്ങളെ ദ്വേഷിക്കുന്നുവെങ്കില്‍ അതിനുമുമ്പേഅത്‌ എന്നെ ദ്വേഷിച്ചു എന്ന് അറിഞ്ഞുകൊള്ളുവിന്‍.
നിങ്ങള്‍ ലോകത്തിന്‍േറ തായിരുന്നുവെങ്കില്‍ ലോകം സ്വന്തമായതിനെ സ്‌നേഹിക്കുമായിരുന്നു. എന്നാല്‍, നിങ്ങള്‍ ലോകത്തിന്‍േറതല്ലാത്തതുകൊണ്ട്‌, ഞാന്‍ നിങ്ങളെ ലോകത്തില്‍നിന്നു തെരഞ്ഞെടുത്തതുകൊണ്ട്‌, ലോകം നിങ്ങളെ ദ്വേഷിക്കുന്നു.
ദാസന്‍യജമാനനെക്കാള്‍ വലിയവനല്ല എന്നു ഞാന്‍ നിങ്ങളോടു പറഞ്ഞവചനം ഓര്‍മിക്കുവിന്‍. അവര്‍ എന്നെ പീഡിപ്പിച്ചുവെങ്കില്‍ നിങ്ങളെയും പീഡിപ്പിക്കും. അവര്‍ എന്‍െറ വചനം പാലിച്ചുവെങ്കില്‍ നിങ്ങളുടേതും പാലിക്കും.
എന്നാല്‍, എന്‍െറ നാമം മൂലം അവര്‍ ഇതെല്ലാം നിങ്ങളോടു ചെയ്യും. കാരണം, എന്നെ അയച്ചവനെ അവര്‍ അറിയുന്നില്ല.
ഞാന്‍ വന്ന്‌ അവരോടു സംസാരിച്ചിരുന്നില്ലെങ്കില്‍ അവര്‍ക്കു പാപം ഉണ്ടാകുമായിരുന്നില്ല. എന്നാല്‍, ഇപ്പോള്‍ അവരുടെ പാപത്തെക്കുറിച്ച്‌ അവര്‍ക്ക്‌ ഒഴികഴിവില്ല.
എന്നെ ദ്വേഷിക്കുന്നവന്‍ എന്‍െറ പിതാവിനെയും ദ്വേഷിക്കുന്നു.
മറ്റാരും ചെയ്‌തിട്ടില്ലാത്ത പ്രവൃത്തികള്‍ ഞാന്‍ അവരുടെയിടയില്‍ ചെയ്‌തില്ലായിരുന്നുവെങ്കില്‍, അവര്‍ക്കു പാപമുണ്ടാകുമായിരുന്നില്ല. എന്നാല്‍, ഇപ്പോള്‍ അവര്‍ എന്നെയും എന്‍െറ പിതാവിനെയും കാണുകയും ദ്വേഷിക്കുകയും ചെയ്‌തിരിക്കുന്നു.
അവര്‍ കാരണം കൂടാതെ എന്നെ വെറുത്തു എന്ന് അവരുടെ നിയമത്തില്‍ എഴുതപ്പെട്ടിരിക്കുന്ന വചനം പൂര്‍ത്തിയാകാനാണ്‌ ഇതു സംഭവിച്ചത്‌.
യോഹന്നാന്‍ 15 : 18-25
🌸🌸🌿🌸🌸🌿🌸🌸🌿🌸🌸
*വചന വിചിന്തനം*
എന്നെപ്രതി ലോകം നിങ്ങളെ ദ്വേഷിക്കും
“ദാസൻ യജമാനനേക്കാൾ വലിയവനല്ല.” ഏറ്റവും അധികം സഹനാനുഭവങ്ങളിലൂടെ കടന്നുപോയവനാണ് ഈശോ. ഈശോയെ അനുഗമിക്കുന്ന നമ്മളും ജീവിതത്തിൽ സഹനാനുഭവങ്ങളിലൂടെ കടന്നുപോകേണ്ടവരാണ്.
സഹനങ്ങൾ ഉണ്ടാകുമ്പോൾ അപ്രതീക്ഷിതമായി എന്തോ സംഭവിച്ചു എന്ന് നമ്മൾ കരുതരുത്. ഈശോയോടു ചേർന്ന് സഹനത്തിൽ കൂടി കടന്നുപോകുക എന്നതും, സഹനത്തെ അതിജീവിക്കുക എന്നതുമാണ് നമ്മൾ ചെയ്യേണ്ടത്. നമ്മുടെ നാടിന്റെ സഹനത്തിൽ നമുക്ക് ഒന്നുചേരാം. എല്ലാവര്ക്കും വേണ്ടി പ്രാർത്ഥിക്കാം. ദുരിതങ്ങൾ പെട്ടെന്ന് അവസാനിക്കട്ടെ എന്ന് തീക്ഷ്ണമായി പ്രാർത്ഥിക്കാം. സഹനത്തിലൂടെ കടന്നുപോകുന്നവരെ പറ്റുംവിധം സഹായിക്കാം.
🌸🌸🌿🌸🌸🌿🌸🌸🌿🌸🌸
© *പരമാവധി ഷെയർ ചെയ്യുക….. നിലം നോക്കാതെ വിത്ത് വിതറിയ വിതക്കാരനെപ്പോലെ… നല്ലനിലം എവിടെയെങ്കിലും ഉണ്ടാകും*
