ജാഗരൂകരായിരിക്കുക എന്നത് ഈശോ നമുക്ക് നൽകുന്ന സന്ദേശം ആണ്. വിശ്വാസികളെ വഴി തെറ്റിക്കാൻ ഒട്ടേറെ പരിശ്രമങ്ങൾ നടക്കുന്നുണ്ട്. കള്ള പ്രവാചകന്മാരും പ്രവാചികമാരും ധാരാളമായുണ്ട്. അവർ പച്ച നുണകളെ സത്യം എന്നതുപോലെ സമൂഹമധ്യത്തിൽ അവതരിപ്പിക്കുന്നു. അവ നുണകൾ ആണെന്ന് പൂർണമായി ഉറപ്പുണ്ടെങ്കിലും സത്യമെന്നതു പോലെ സ്വീകരിക്കുവാൻ മാധ്യമങ്ങളും സമൂഹവും ഒക്കെ തയ്യാറാകുന്നു. സത്യമല്ലാത്ത കാര്യങ്ങളെ സത്യം പോലെ അവതരിപ്പിക്കുകയും സ്വീകരിക്കുകയും ചെയ്യുന്ന ഒരു സത്യാനന്തര കാലഘട്ടത്തിലാണ് (Post Truth Era) നമ്മൾ ജീവിക്കുന്നത് അതുകൊണ്ടുതന്നെ തെറ്റിദ്ധരിപ്പിക്കപ്പെട്ട് വിശ്വാസത്തിൽ വഴിതെറ്റാതിരിക്കാൻ നിതാന്തജാഗ്രത നമുക്ക് ആവശ്യമാണ്. ഈശോയുടെ സന്ദേശം സ്വീകരിച്ച് നിതാന്ത ജാഗ്രത പുലർത്തുവാൻ നമുക്ക് പരിശ്രമിക്കാം.