തിരുവനന്തപുരം: യൂണിവേഴ്സിറ്റി കോളജ് വിഷയത്തിൽ സെക്രട്ടറിയേറ്റിന് മുന്നിൽ അനിശ്ചിതകാല നിരാഹാര സമരം നടത്തിയിരുന്ന കെഎസ്‌യു സംസ്ഥാന അധ്യക്ഷൻ കെ.എം.അഭിജിത്തിനെ ആശുപത്രിയിലേക്ക് മാറ്റി.
യൂത്ത് കോണ്‍ഗ്രസിന്‍റെ സെക്രട്ടറിയേറ്റ് പ്രതിഷേധ മാർച്ചിനിടെ സംഘർഷമുണ്ടായതിനെ തുടർന്ന് സമരപ്പന്തലിന് സമീപത്ത് പോലീസ് നിരവധി തവണ കണ്ണീർവാതകം പ്രയോഗിച്ചിരുന്നു. ഇതേതുടർന്ന് അഭിജിത്തിനും കെഎസ്‌യു നേതാക്കൾക്കും ശാരീരികാസ്വാസ്ഥ്യം അനുഭവപ്പെട്ടതോടെയാണ് ആംബുലൻസിൽ ആശുപത്രിയിലേക്ക് മാറ്റിയത്.
