ത​ളി​ക്കു​ളം: പ​ത്താം​ക​ല്ല് പ​ടി​ഞ്ഞാ​റ് ഇ​ട​ശേ​രി ബീ​ച്ചി​ൽ രണ്ടു ദി​വ​സ​മാ​യി തു​ട​രു​ന്ന ക​ട​ൽ​ക്ഷോ​ഭ​ത്തി​ൽ കു​ഴി​പ്പ​ൻ തി​ര​ക​ളാ​ഞ്ഞ​ടി​ച്ച് റോ​ഡ് ത​ക​ർ​ന്നു.​ പ​ത്താം​ക​ല്ല് ഇ​ട​ശേ​രി ബീ​ച്ച് തീ​ര​ദേ​ശ റോ​ഡി​ലൂ​ടെ​യു​ള്ള വാ​ഹ​ന ഗ​താ​ഗ​തം പൂ​ർ​ണ​മാ​യും നി​ർ​ത്ത​ലാ​ക്കി. ആ​റ് തെ​ങ്ങു​ക​ൾ ക​ട​ലി​ലേ​ക്ക് ക​ടപു​ഴ​കി വീ​ണു.​ ക​ട​ൽ​ക​യ​റു​ന്ന​ത് ത​ട​യാ​ൻ ജി​യോ ബാ​ഗു​ക​ളി​ൽ ജെസിബി ​ഉ​പ​യോ​ഗി​ച്ച് മ​ണ്ണുനി​റ​ച്ച് തീ​ര​ത്ത് അ​ട്ടി​യി​ട്ട് തു​ട​ങ്ങി.

ക​ട​ൽ​ക​യ​റു​ന്ന​ത് ത​ട​യാ​ൻ ഇ​ന്ന​ലെ​യും വൈ​കീ​ട്ടു​ണ്ടാ​യ ക​ട​ൽ​ക്ഷോ​ഭ​ത്തി​ൽ തീ​ര​ദേ​ശ റോ​ഡി​ന​ടി​യി​ലെ പ​കു​തി​യോ​ളം ഭാ​ഗ​ത്ത് മ​ണ്ണ് പൂ​ർ​ണ​മാ​യും ക​ട​ലി​ലേ​ക്ക് ഒ​ലി​ച്ചു​പോ​യി. റോ​ഡി​ന​ടി​യി​ൽ കൂ​ടു​ത​ൽ ത​ാഴ്ചയി​ൽ സ്ഥാ​പി​ച്ചി​രു​ന്ന ശു​ ദ്ധ​ജ​ല പൈ​പ്പ് മ​ണ്ണ് ഒ​ലി​ച്ചുപോ​യ​തി​നാ​ൽ പു​റ​ത്തേ​ക്ക് ത​ള്ളി നി​ൽ​ക്കു​ക​യാ​ണ്.