തിരുവനന്തപുരം: ന്യൂനപക്ഷ ക്ഷേമ വകുപ്പില്‍ നിന്നു 2015-2016, 2016- 2017 വര്‍ഷങ്ങളില്‍ സ്‌കോളര്‍ഷിപ്പുകള്‍ ലഭിക്കാത്ത വിദ്യാര്‍ത്ഥികളുണ്ടെങ്കില്‍ പാസ്ബുക്കിന്റെ കോപ്പി, 2015 മുതല്‍ 2018 വരെയുള്ള ബാങ്ക് സ്റ്റേറ്റ്‌മെന്റ്, അവാര്‍ഡ് ലിസ്റ്റിന്റെ കോപ്പി ഉള്‍പ്പെടെ 30 ന് മുന്‍പ് ന്യൂനപക്ഷ ക്ഷേമ ഡയറക്ടറേറ്റില്‍ ഇ-മെയിലിലൂടെയും തപാലിലൂടെയും അപേക്ഷ സമര്‍പ്പിക്കാമെന്ന് ഡയറക്ടര്‍ അറിയിച്ചു. ഈ രേഖകള്‍ ഹാജരാക്കത്തവര്‍ക്ക് ആനുകൂല്ല്യം ലഭിക്കില്ല. ഇ-മെയില്‍ scholarship.mwd@gmail.com

2015-2016 വര്‍ഷങ്ങളില്‍ സ്‌കോളര്‍ഷിപ്പ് ഫണ്ട് ഡയറക്ടറുടെ പേരിലുള്ള ബാങ്ക് അക്കൗണ്ടില്‍ നിന്ന് ആര്‍ടിജിഎസ് വഴിയാണ് നല്‍കിയത്. ചില വിദ്യാര്‍ത്ഥികളുടെ ബാങ്ക് അക്കൗണ്ടിലെ പ്രശ്‌നങ്ങള്‍ കാരണം തുക ക്രെഡിറ്റാകാതെ മടങ്ങി വന്നിട്ടുണ്ട്. ബാങ്ക് അക്കൗണ്ടുകള്‍ ആക്ടീവാണെന്ന് വിദ്യാര്‍ത്ഥികള്‍ ഉറപ്പു വരുത്തണം. സിഎച്ച് മുഹമ്മദ് കോയ സ്‌കോളര്‍ഷിപ്പ് ( ഫ്രഷ്, റിന്യുവല്‍ ) ഐടിസി ഫീ റീഇമ്പേഴ്‌സ്‌മെന്റ് സ്‌കീം, സിഎ/ സിഎസ് സ്‌കോളര്‍ഷിപ്പ്, പ്രൊഫ. ജോസഫ് മുണ്ടശ്ശേരി സ്‌കോളര്‍ഷിപ്പ് ഫോര്‍ ടാലന്റഡ് സ്റ്റുഡന്റ്‌സ് എന്നീ സ്‌കോളര്‍ഷിപ്പുകളാണ് വകുപ്പു നല്‍കി വരുന്നത്.