കൊച്ചി: പാലാരിവട്ടം മേൽപ്പാലം നിർമാണത്തിലെ ക്രമക്കേടിൽ വിജിലൻസ് കേസെടുക്കും. കേസിന് ശുപാർശ ചെയ്യുന്ന പ്രാഥമിക അന്വേഷണ റിപ്പോർട്ട് തയാറായി. ബുധനാഴ്ച വൈകുന്നേരത്തോടെ വിജിലൻസ് ഡയറക്ടർക്ക് പ്രാഥമിക അന്വേഷണ റിപ്പോർട്ട് കൈമാറും.
ഡയറക്ടറുടെ അനുമതിയോടെ ഈയാഴ്ച തന്നെ കേസ് രജിസ്റ്റർ ചെയ്യുമെന്നാണ് വിവരം. ഡയറക്ടറുടെ അനുമതിയോടെയാവും കേസ് രജിസ്റ്റര് ചെയ്യുക. കിറ്റ്കോ ഉദ്യോഗസ്ഥരിൽ നിന്നും കരാറുകാരില് നിന്നും അന്വേഷണത്തിന്റെ ഭാഗമായി വിജിലൻസ് സംഘം മൊഴി രേഖപ്പെടുത്തിയിരുന്നു.
മേൽപ്പാലത്തിന്റെ ഗര്ഡറുകളില് നിരവധി വിള്ളലുകള് ഉള്ളതായി പ്രാഥമിക പരിശോധനയില് അന്വേഷണ സംഘം കണ്ടെത്തിയിരുന്നു