സീറോ മലബാർ മിഷൻ ഡിപ്പാർട്ട്മെന്‍റിന്‍റെ നേതൃത്വത്തിൽ നാലാമത് അന്താരാഷ്‌ട്ര ബെനഫാക്ടേഴ്സ് ദിനാചരണം ഇന്ന് സഭയുടെ ആസ്ഥാന കാര്യാലയമായ കാക്കനാട് മൗണ്ട് സെന്‍റ് തോമസിൽ നടക്കും. രാവിലെ 10നു മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും. സീറോ മലബാർ മിഷൻ ഡയറക്ടർ ബിഷപ് മാർ റാഫേൽ തട്ടിൽ അധ്യക്ഷത വഹിക്കും. കൂരിയ ബിഷപ് മാർ സെബാസ്റ്റ്യൻ വാണിയപ്പുരയ്ക്കൽ ആശംസകൾ നേരും.
മിഷൻ പ്രദേശങ്ങളിൽ സുവിശേഷവേലയ്ക്കായി വൈദിക, സന്യാസ പരിശീലനം നടത്തുന്നവരെ പ്രാർഥനയിലൂടെയും സാന്പത്തികമായും സഹായിക്കുന്നവരുടെ സമ്മേളനത്തിൽ നൂറോളം അല്മായരും പതിനഞ്ചോളം നവവൈദികരും പങ്കെടുക്കുമെന്നു സെക്രട്ടറി ഫാ. കുര്യാക്കോസ് അഴകത്ത് അറിയിച്ചു. അല്മായരുടെ പങ്കാളിത്തം ഉറപ്പുവരുത്തുകയെന്ന ലക്ഷ്യത്തോടെ സീറോ മലബാർ മിഷൻ “നിങ്ങളുടെ ഭവനത്തിന് ഒരു വൈദികൻ, ഭവനത്തിന് ഒരു സന്യാസിനി’, മിഷൻ പ്രോജക്ടുകൾ, മിഷനറി കിറ്റ് തുടങ്ങിയ പദ്ധതികൾ നടപ്പാക്കുന്നുണ്ട്.
