സുരേഷ് കല്ലട ബസിൽ യാത്രക്കാർക്ക് മർദനമേറ്റ സംഭവത്തിൽ അറസ്റ്റിലായ ഏഴു ജീവനക്കാരെ പോലീസ് കസ്റ്റഡിയിൽ വിട്ടു. എറണാകുളം ജില്ലാ മജിസ്ടേറ്റ് കോടതിയുടേതാണ് നടപടി. പ്രതികളെ കൂടുതൽ ചോദ്യം ചെയ്യാനുമുണ്ടെന്ന പോലീസ് ആവശ്യം കോടതി അംഗീകരിക്കുകയായിരുന്നു.
പ്രതികൾ ആക്രമണം നടത്തിയതുമായി ബന്ധപ്പെട്ട ഗൂഢാലോചന വെളിപ്പെടുത്തേണ്ടതുണ്ടെന്നും പോലീസ് കോടതിയെ അറിയിച്ചു. കല്ലട ബസുകളിൽ ആയുധം സൂക്ഷിക്കുന്നതായി യാത്രക്കാരുടെ മൊഴിയുണ്ടെങ്കിലും അതു കണ്ടെത്തണമെങ്കിൽ പ്രതികളെ കൂടുതൽ ചോദ്യം ചെയ്യണമെന്നുമാണ് പോലീസ് ഭാഷ്യം.
