ഇറ്റാലിയൻ സീരി എ കിരീടം യുവന്‍റസിന്. തുടർച്ചയായി എട്ടാം തവണയാണ് യുവന്‍റസ് ചാന്പ്യൻ പട്ടം നേടുന്നത്. ഫിയോറന്റീനയെ 2-1ന് തോൽപിച്ചാണ് യുവന്‍റസിന്‍റെ നേട്ടം. അഞ്ചുമൽസരം ശേഷിക്കെ യുവന്‍റസ് കിരീടമുറപ്പിച്ചത്.
യുവന്‍റസിൽ ക്രിസ്റ്റ്യാനൊ റൊണാൾഡോയുടെ ആദ്യ കിരീടമാണ്. ഇതോടെ ഇംഗ്ലണ്ടിനും സ്പെയിനിനും പിന്നാലെ ഇറ്റലിയിലും ലീഗ് കിരീടം നേടുന്ന താരമായി റൊണാൾഡോ.
ഒരു ഗോളിന് പിന്നിൽ നിന്ന ശേഷമായിരുന്നു യുവന്‍റസിന്‍റെ വിജയം. ആറാം മിനിറ്റിൽ ലീഡ് വഴങ്ങിയ യുവന്‍റസ് 37-ാം മിനിറ്റിൽ സാൻഡ്രോയിലൂടെ തിരിച്ചടിച്ചു . രണ്ടാം പകുതിയിലെ പെസെല്ലയുടെ സെൽഫ് ഗോൾ യുവന്‍റസിന്‍റെ വിജയഗോളായി.
