ത​മി​ഴ്നാ​ട്ടി​ൽ ക​ത്തോ​ലി​ക്ക സ്കൂ​ൾ അ​ക്ര​മി​സം​ഘം അ​ടി​ച്ചു​ത​ക​ർ​ത്തു, ക​ന്യാ​സ്ത്രീ​ക​ളെ​യും അ​ധ്യാ​പ​ക​രെ​യും ആ​ക്ര​മി​ച്ചു. സ്കൂ​ളി​ലെ ഒ​രു വി​ദ്യാ​ർ​ഥി​നി ആ​ത്മ​ഹ​ത്യ ചെ​യ്തതി​ന്‍റെ പേരിലാ​ണ് ഹി​ന്ദു സം​ഘ​ട​ന​യു​ടെ നേ​തൃ​ത്വ​ത്തി​ൽ ആ​ക്ര​മ​ണം ന​ട​ന്ന​ത്. ചി​ന്ന​സേ​ല​ത്തു പ്ര​വ​ർ​ത്തി​ക്കു​ന്ന ലി​റ്റി​ൽ ഫ്ള​വ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​നു നേ​രേ​യാ​ണ് ആ​ക്ര​മ​ണ​മു​ണ്ടാ​യ​ത്. ട്ര​ക്കു​ക​ളി​ൽ എ​ത്തി​യ ഇ​രു​നൂ​റോ​ളം പേ​ർ വ​രു​ന്ന സം​ഘ​മാ​ണു സ്കൂ​ളി​ൽ അ​തി​ക്ര​മി​ച്ചു ക​യ​റി നാ​ശ​ന​ഷ്ട​മു​ണ്ടാ​ക്കു​ക​യും അ​ധ്യാ​പ​ക​രെ മ​ർ​ദി​ക്കു​ക​യും ചെ​യ്ത​ത്. കം​പ്യൂ​ട്ട​റു​ക​ളും പ​ഠ​നോ​പ​ക​ര​ണ​ങ്ങ​ളും ന​ശി​പ്പി​ച്ചു.

സ്കൂ​ളി​ലെ ഒ​രു പ​ത്താം ക്ലാ​സ് വി​ദ്യാ​ർ​ഥി​നി​യെ മാ​ർ​ച്ച് 25ന് ​ക​ല്ലാ​കു​റി​ശി​യി​ലെ ഗ്രാ​മ​ത്തി​ലെ സ്വ​ന്തം വീ​ട്ടി​ൽ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി​യി​രു​ന്നു. മാ​താ​പി​താ​ക്ക​ൾ പോ​ലീ​സി​ൽ അ​റി​യി​ക്കു​ക​യും ചെ​യ്തു. ആ​ത്മ​ഹ​ത്യ​ക്കു​റി​പ്പ് ഒ​ന്നും ക​ണ്ടെ​ടു​ത്തി​രു​ന്നി​ല്ല. അ​തേ​സ​മ​യം, ഫൈ​ന​ൽ പ​രീ​ക്ഷ​യി​ൽ ന​ന്നാ​യി എ​ഴു​താ​ൻ ക​ഴി​ഞ്ഞി​ല്ലെ​ന്നും ഫ​ലം വ​രു​ന്പോ​ൾ മാ​താ​പി​താ​ക്ക​ൾ വ​ഴ​ക്കു​പ​റ​യു​മോ​യെ​ന്ന പേ​ടി​യു​ണ്ടെ​ന്നും വി​ദ്യാ​ർ​ഥി​നി കൂ​ട്ടു​കാ​രി​ൽ ചി​ല​രോ​ടൊ​ക്കെ പ​റ​ഞ്ഞ​താ​യി റി​പ്പോ​ർ​ട്ട് ഉ​ണ്ടാ​യി​രു​ന്നു. ഈ ​സം​ഭ​വം മ​റ​യാ​ക്കി, മ​രി​ച്ച വി​ദ്യാ​ർ​ഥി​നി​യു​ടെ ബ​ന്ധു​ക്ക​ളെ​യും കൂ​ട്ടി അ​ക്ര​മി​സം​ഘം എ​ത്തു​ക​യാ​യി​രു​ന്നെ​ന്നു പോ​ണ്ടി​ച്ചേ​രി- കൂ​ഡ​ല്ലൂ​ർ അ​തി​രൂ​പ​ത വൃ​ത്ത​ങ്ങ​ൾ അ​റി​യി​ച്ചു. സം​ഘ​ത്തോ​ടൊ​പ്പ​മു​ണ്ടാ​യി​രു​ന്ന സ്ത്രീ​ക​ൾ ക​ന്യാ​സ്ത്രീ​ക​ളെ ആ​ക്ര​മി​ക്കാ​നും വ​സ്ത്രാ​ക്ഷേ​പം ന​ട​ത്താ​നും മു​തി​ർ​ന്നു. അ​തി​രൂ​പ​ത​യി​ലെ ഫ്രാ​ൻ​സി​സ്ക​ൻ സി​സ്റ്റേ​ഴ്സ് ഒാ​ഫ് ദി ​ഇ​മ്മാ​ക്കു​ലേ​റ്റ് ഹാ​ർ​ട്ട് ഒാ​ഫ് മേ​രി എ​ന്ന സ​ന്യാ​സ സ​ഭ ന​ട​ത്തു​ന്ന​താ​ണ് സ്കൂ​ൾ. ആ​ക്ര​മ​ണ​ത്തെ​ത്തു​ട​ർ​ന്ന് നാ​ലു ക​ന്യാ​സ്ത്രീ​ക​ളെ​യും ര​ണ്ടു സ്കൂ​ൾ ജീ​വ​ന​ക്കാ​രെ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പോ​ലീ​സ് സ്റ്റേ​ഷ​ന്‍റെ സ​മീ​പ​ത്താ​യി​രു​ന്നു സ്കൂ​ൾ എ​ങ്കി​ലും ആ​ക്ര​മ​ണം ത​ട​യാ​ൻ പോ​ലീ​സ് കാ​ര്യ​മാ​യ ന​ട​പ​ടി​ക​ളൊ​ന്നും എ​ടു​ത്തി​ല്ലെ​ന്ന് അ​തി​രൂ​പ​ത​യി​ലെ ഫാ.​അ​ർ​പു​ത​രാ​ജ് ആ​രോ​പി​ച്ചു. പ്രാ​ദേ​ശി​ക മാ​ധ്യ​മ​ങ്ങ​ളി​ൽ പോ​ലും വാ​ർ​ത്ത വ​ന്നി​ല്ല. ഇ​തേ​ത്തു​ട​ർ​ന്ന് ക​ഴി​ഞ്ഞ 30ന് ​സ​ന്യാ​സി​നി സ​ഭ​യു​ടെ പ്രൊ​വി​ൻ​ഷ്യ​ൽ സി​സ്റ്റ​ർ പ​ത്ര​സ​മ്മേ​ള​നം വി​ളി​ച്ചു സ്ഥി​തി​ഗ​തി​ക​ൾ വി​വ​രി​ച്ചു.

മ​രി​ച്ച വി​ദ്യാ​ർ​ഥി​നി​യു​ടെ ബ​ന്ധു​ക്ക​ളെ ആ​ർ​എ​സ്എ​സ് തെ​റ്റി​ദ്ധ​രി​പ്പി​ച്ചും പ്ര​കോ​പി​പ്പി​ച്ചും സ്കൂ​ൾ ആ​ക്ര​മി​ക്കാ​ൻ പ്രേ​രി​പ്പി​ക്കു​ക​യാ​യി​രു​ന്നെ​ന്ന് അ​വ​ർ കു​റ്റ​പ്പെ​ടു​ത്തി. പോ​ലീ​സ് ന​ട​പ​ടി സ്വീ​ക​രി​ക്കു​ന്നി​ല്ലെ​ങ്കി​ൽ പ്ര​ത്യ​ക്ഷ​സ​മ​രം ആ​രം​ഭി​ക്കും. ഇ​തി​നി​ടെ, ആ​ർ​ച്ച്ബി​ഷ​പ് ഇ​ട​പെ​ട്ടു സം​ഭ​വ​ത്തെ​ക്കു​റി​ച്ചു പ​ഠി​ക്കാ​നും ന​ട​പ​ടി സ്വീ​ക​രി​ക്കാ​നും അ​ഭി​ഭാ​ഷ​ക​രും വൈ​ദി​ക​രു​മ​ട​ങ്ങി​യ ഒ​രു സ​മി​തി​യെ നി​യോ​ഗി​ച്ചി​ട്ടു​ണ്ട്. മ​രി​ച്ച പെ​ൺ​കു​ട്ടി​യു​ടെ കു​ടും​ബം ദരിദ്രർ ആ​യ​തി​നാ​ൽ സ്കൂളധികൃതർ ധനസഹായം നല്കിയിരുന്നു. കൂ​ടു​ത​ൽ തു​ക വേ​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു ആ​ക്ര​മ​ണ​വും സ്കൂ​ളി​നു മു​ന്നി​ലെ ധ​ർ​ണ​യും.