കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി വ്യാഴാഴ്ച വയനാട്ടില്‍ നാമനിര്‍ദ്ദേശ പത്രിക സമര്‍പ്പിക്കും. ബുധനാഴ്ച വൈകിട്ട് കോഴിക്കോട് എത്തുമെന്ന് രാഹുല്‍ നേതാക്കളെ അറിയിച്ചു. ചൊവ്വാഴ്ച്ച ഡല്‍ഹിയിലെ കോണ്‍ഗ്രസ് പ്രകടനപത്രിക ആസ്ഥാനത്ത് പ്രകടന പത്രിക പുറത്തിറക്കുന്ന പരിപാടിക്കു ശേഷമാകും അദ്ദേഹം കേരളത്തിലോട്ട് തിരിക്കുക. കേരളത്തില്‍ പത്രിക സമര്‍പ്പിക്കാനുള്ള അവസാന ദിവസം വ്യാഴാഴ്ച ആണ്.
ഉത്തര്‍പ്രദേശിലെ അമേത്തിക്കു പുറമേയാണ് രാഹുല്‍ ഗാന്ധി വയനാട്ടിലും മത്സരിക്കുന്നത്. രണ്ടാഴ്ച നീണ്ടു നിന്ന അനിശ്ചിതത്വങ്ങള്‍ക്കൊടുവില്‍ ഞായറാഴ്ചയാണ് സ്ഥാനാര്‍ത്ഥിത്വം സംമ്പന്ധിച്ചു തീരുമാനമായത്.
