സിപിഎം ഇത്തവണത്തെ ലോക്സഭ തെരഞ്ഞെടുപ്പിനോടനുബന്ധിച്ചുള്ള പ്രകടന പത്രിക പുറത്തിറക്കി. പാര്ട്ടി ദേശീയ ജനറല് സെക്രട്ടറി സീതാറാം യെച്ചൂരിയാണ് പ്രകടന പത്രിക അവതരിപ്പിച്ചത്. പ്രകടന പത്രികയിലെ പ്രധാന പ്രഖ്യാപനങ്ങള് ഇങ്ങനെ:
1. മിനിമം കൂലി പ്രതിമാസം 18,000 രൂപയായി ഉറപ്പുവരുത്തുത്തും.
2. കാര്ഷിക ഉത്പന്നങ്ങള്ക്ക് ഉത്പാദനത്തിന്റെ 50 ശതമാനത്തില് കുറയാതെ വില ഉറപ്പ് വരുത്തും
3. എല്ലാ കുടുംബങ്ങള്ക്കും പൊതുവിതരണ സംവിധാനം വഴി 35 കിലോ അരി
4. പ്രതിമാസം 6000 രൂപ വാര്ധക്യകാല പെന്ഷന്
5. തൊഴില് രഹിതര്ക്ക് പ്രതിമാസ സാമ്ബത്തിക സഹായം നല്കും
6. ദാരിദ്ര്യ രേഖയ്ക്ക് താഴെയുള്ളവര്ക്ക് രണ്ട് രൂപ നിരക്കില് 7 കിലോ അരി ലഭ്യമാക്കും.
7. പട്ടികജാതി പട്ടിക വര്ഗകാര്ക്ക് സ്വകാര്യ സ്ഥാപനങ്ങളില് സംവരണം
അതോടൊപ്പം ഇടതുപക്ഷ ശക്തി വര്ദ്ധിപ്പിക്കുമെന്നും തെരഞ്ഞെടുപ്പില് ബിജെപിയെ തോല്പ്പിക്കുകയുമാണ് ഇടതു പക്ഷത്തിന്റെ ലക്ഷ്യമെന്നും യെച്ചൂരി വ്യക്തമാക്കി.